Areo

                         La exa'l mundu esiste

                         sentáu cabo'l dolmen

                         allá, no más cimero,

                         del vieyu Monte Areo.

                         Na xera los caxellos,

                         na tarde d'andarines,

                         na mar de los maizales.

                         na flor de los pumares...

                         La exa'l mundu esiste

                         sentáu cabo'l dolmen

                         allá, no más cimero,

                         del vieyu Monte Areo.

                         Pues búscome y afáyome,

                         y soi si quiero ser,

                         y formo xermandía

                         en cómplice armonía

                         de piedra,

                         tierra,

                         fonte,

                         y, en finxu l'horizonte,

                         espolleta la vida

                         mortal y eterna.

                         Amén.