A la gueta la esperanza.
Nacisti pa ser palaciu
y véote posafuelles;
enlluxáronte somantu,
riscares y tapeceres.
Nalando vas al debalu
pente llamuergues y lleres;
arrincáronte'l carbayu,
matáronte les fogueres.
Más endílgase yá l'arniu
de nuevos alboreceres;
tornarás a ser raigañu,
rosada de les camperes.
Esconsona del to suañu,
yá entamaron les andeches;
allugarán ceo'l ramu
los fíos de les tos seches.
.