Blogia
El Copilotu de Pinín

Nun yes tu, qué vas a ser

Nun yes tu, qué vas a ser

                     Baluarte acorazáu de la inorancia,

                     bufón autoascendíu a emperador,

                     diañucu camudáu n'escribidor,

                     brillante salvapatries... si hai ganancia.

                     Del ripiu campeón a la constancia,

                     del llombu, singular mansuñador,

                     testón y encerriscáu batallador

                     en busca d'un tronucu... na Importancia.

                     ¿Acasu vio, dayuri, güeyu humanu,

                     Merlín de mayor talla intelectual

                     y orguyu nacional pal asturianu?.

                     ¡Desplómome en finoxos, caso en tal,

                     y amusgo estes oreyes d'aldeanu,

                     delantre de tan gran valor moral!.

¿Y esta publicidad? Puedes eliminarla si quieres.

0 comentarios

¿Y esta publicidad? Puedes eliminarla si quieres