Se muestran los artículos pertenecientes a Junio de 2008.
Resumen
- 07/06/2008 20:27 - Un guirriu nel espaciu
- 14/06/2008 12:25 - El Pozu'l Ramu
- 29/06/2008 11:55 - El pan que se fala
07/06/2008
Un guirriu nel espaciu
Qué bien ñarru ye’l xacíu
na tenyera les monxures.
Cuántu enfotu espreganciáu
pente sangre y xigomencies.
Qué lloñe y escuru’l mundu
que s’escuende pacullá
de la pica les narices...
Xingando lloqueros, blincando planetes,
d’esti sitiu ayén, otra vuelta soi
un guirriu nalando metanos l’espaciu.
14/06/2008
El Pozu'l Ramu
Nel somantu frescu
húmedu y escuru
abellu del tiempu,
onde mora l'agua
y afalaguen l'arpa
blancos pingolexos,
nun trubiecu d'ocres
reposen bisontes
caballos y renos.
29/06/2008
El pan que se fala
El pan que se sema.
el pan que na andecha s'amesoria.
El pan que se muel y fai fariña,
que s'amasa y formienta na masera.
El pan que se tresna
arroxando con carbayu'l fornu.
El pan que s'ornia y ufierta nel ramu.
El pan del llar y de los antiguos.
El pan que se vive.
El pan que se fala.
Porque, ensin fala, nun hai pan.
.